StarCraft II أخيرا

نظرا لاهتمامي الكبير بالعبة دي حبيت أبلغ باقي الاعضاء بقرب وصولها

StarCraft من شركة Blizzard لعبة استراتيجي نزلت عام 1998
بعد WarCraft و تعتبر من اكثر الالعاب الاستراتيجي مبيعا فالتاريخ و الناس
الجيمر القدام اكيد عارفنها و قد ايه كانت مشهورة في وقتها و كانت احسن
لعبة استراتيجي وقتها .

أخيرا Blizzard قررت انها تبدأ في الجزء الثاني منها و هينزل ال Demo
بتاعها اخر 2007 أما اللعبة كاملة مش هتنزل قبل 2008 و ممكن 2009 شركة
Blizzard دايمل بتنزل العابها متأخر عن معادها و حصلت في Diablo II انها
نزلت سنة كاملة متأخر عن معادها .



StarCraft II هتبقى 3D شبة WarCraft III بس هيستعملوا 3D Engine مختلف
لاستعمال Direct X 10 الجديد فاللعبة و اللي هيضيف مؤثرات زيادة في
الجرافيك و تكون شكل ال units خالي من التجاعيد مش زي ال units في
WarCraft III .

الشعوب هي 3 فقط ( Terran , Protoss , Zerg ) و المفروض كان يكون في رابع
اللي لعب StarCraft Brood War كانت القصة بينت ان هيكون في شعب رابع
Protoss Zerg Hybrid بس نظرا لصعوبة توازن الشعوب نفضوا للشعب الرابع و
هيبقوا 3 بس .

هيبقى برضوا في Multiplayer على شبكة Battle.Net و في احتمال انهم يزودوا عدد اللاعبين في ال game الواحد عن 8 .

لتحميل فيدوهات Trailer و ال gameplay و معلومات اكتر عن اللعبة من على موقع

http://www.starcraft2.com



هسيبكوا مع بعض ال Screenshots من اللعب